Жазғы демалыс кезіндегі қауіпсіздік ережелері.

"Құрметті ата-аналар!"
Балаларыңызға сақ болыңыздар, олардан көз алмаңыздар!
Соңғы кездері жас балалардың суға бату деректері көбейді.

Панфилов ауданында 2024 жылы 11 мамыр күні сағат 19:00-да Ынтымақ ауылында 6 жасар бала суғаратын арықтың жанында ойнап жүріп, арыққа құлап, көз жұмған.

2024 жылы 11 мамыр күні сағат кешкі 19.30-да Панфилов ауданында үйден 3 метр қашықтықтағы арықтан 4 жасар баланың денесі табылды, жас бала арықтың қасында ойнап жүріп, абайсызда арыққа құлап, су ағынымен ағып, тұншыққан.

2024 жылы 15 мамыр күні Алакөл ауданында 2023 жылы туған жас бала үйдің есік алдында ағып жатқан арықтағы суға тұншығып, қайтыс болған.

2024 жылы 23 мамыр күні Ескелді ауданында 2021 жылы туылған бала үйдің ауласындағы әжетханаға құлап кетіп қайтыс болған.

2024 жылы 23 мамыр күні Коксу ауданында 2022 жылы туған жас бала үйдің есік алдында ағып жатқан арықтың суына тұншығып, қайтыс болған.

Бала өмірінің қауіпсіздігі тікелей ата-ананың қолында екенін ұмытпаныздар!
ПД Жергілікті полиция қызметі басқармасы